തൊട്ടുകൂട്ടാനുണ്ടു്, ഭയം
വിശപ്പൊട്ടില്ലെങ്കിലും..
അരുതു്, പോകരുതെങ്ങും
ഭൂമി പിളര്ന്നുപോയേക്കാം ഓര്മ്മകള്.
ഭൂമി പിളര്ന്നുപോയേക്കാം ഓര്മ്മകള്.
അരുതു്, മിണ്ടരുതു്
വാതില്പ്പുറത്തുണ്ടു് നിഴല് പോരാളികള്
ഒരു ചെറുവിരലനക്കം മതി
ഒഴുകാം പുഴയായി രക്തം,
ഉണങ്ങാം പുകയില് മാംസം.
വാതില്പ്പുറത്തുണ്ടു് നിഴല് പോരാളികള്
ഒരു ചെറുവിരലനക്കം മതി
ഒഴുകാം പുഴയായി രക്തം,
ഉണങ്ങാം പുകയില് മാംസം.
അരുതു്, ചോദ്യമരുതു്,
ആരെന്നു്
എന്തിനെന്നു്
ഒരുത്തരം പോരാതെ വരും
പിന്നെപ്പിന്നെ
ചോദ്യങ്ങളൊടുങ്ങാതുറയും..
ആരെന്നു്
എന്തിനെന്നു്
ഒരുത്തരം പോരാതെ വരും
പിന്നെപ്പിന്നെ
ചോദ്യങ്ങളൊടുങ്ങാതുറയും..
അരുതു്,കാണരുതു്
ഒരു വിരലങ്ങോട്ടു് ചൂണ്ടുമ്പോള്
മറ്റു നാലും തിരിഞ്ഞു നോക്കുന്നതു്
കൊഞ്ഞനം കുത്തുന്നതു്
കറുക്കെ ചിരിക്കുന്നതു്
കണ്ണടച്ചേക്കുക
ഉറക്കം നടിച്ചേക്കുക
എന്നത്തേയും പോലെ...
ഒരു വിരലങ്ങോട്ടു് ചൂണ്ടുമ്പോള്
മറ്റു നാലും തിരിഞ്ഞു നോക്കുന്നതു്
കൊഞ്ഞനം കുത്തുന്നതു്
കറുക്കെ ചിരിക്കുന്നതു്
കണ്ണടച്ചേക്കുക
ഉറക്കം നടിച്ചേക്കുക
എന്നത്തേയും പോലെ...
..26/11 ന്റെ ഓര്മ്മക്ക്..
നടുക്കം ഇന്നും ബാക്കി..കേരളത്തില് ജനിച്ച് വളര്ന്ന ഒരാളുടെ നടുക്കം..കൊടുങ്കാറ്റിനെ എന്നും ദൂരെ നിന്നും മാത്രം നോക്കിക്കണ്ടവരുടെ നടുക്കം..കലാപങ്ങളും യുദ്ധങ്ങളും എല്ലാം അവരുടേത് അവരുടേത് എന്ന അഹന്തയുടെ നടുക്കം..ഒന്നും ഏറെ അകലെയല്ല എന്ന തിരിച്ചറിവിന്റെ നടുക്കം..
ഓര്മ്മിക്കുന്നു..അന്നാളുകളില് പൊലിഞ്ഞ ജീവിതങ്ങളെ...ഇന്നും മരിച്ച് ജീവിക്കുന്നവരെ..കണ്ണീര് വറ്റാതുരുകുന്നവരെ..
കൂടെ ഓര്മ്മിക്കുന്നു നമ്മള് അഴുകാതെ സൂക്ഷിക്കുന്ന ഒന്പത് ശവങ്ങളെ..രാജ്യദ്രോഹി എന്ന് മുദ്ര കുത്തപ്പെട്ടേക്കാമെങ്കിലും ശൌര്യം ശവങ്ങളൊടെന്തിന് എന്ന ചോദ്യം മാത്രം ബാക്കി..
